Podería saír todos os días á xanela,
á alba e ao solpor,
e ollar o que hai do outro lado
destes ferros que tanto nos oprimen.
Mais a realidade é que non hai xanela
nin nada que ollar
quer desta quer daqueloutra beira.
Daquela,
para que queremos a xanela
se non hai peitoril ao que se achegar?
Será por iso que só hai reixas.
Os días pasan por nós os uns após os outros, e en nós fican prendidos tal se formos unha baloira, a baloira dos días.