Emocións, sentimentos

Vivimos tempos en que se axitan, deliberadamente, as emocións. O medo, a desconfianza do outro, da outra.

Munch describiu así a sensación que o levou a pintar O Berro:

“Paseaba con dous amigos ao solpor – o ceo volveuse de súpeto vermello sangue – eu parei, exausto, e inclineime sobre o peitoril– había sangue e linguas de lume sobre o azul escuro do fiorde e sobre a cidade – os meus amigos continuaron, mais eu fiquei alí a tremer de ansiedade – e sentín o berro infinito da natureza”.

Pois aquí che deixamos unha maneira de controlar as emocións e os sentimentos. Na sopa tes 30 palabras, as que van á dereita, que poden estar en calquera dirección, e tamén ao revés. Teñen a ver coas emocións, cos sentimentos. Emociónate!! E se non che sae, non te deprimas.

Cave canem

Alguén dixo que este modelo de sopa é do máis difícil que hai. Trátase de procurar na sopa a palabra CAN. Parece sinxelo, mais non é tanto. É verdade que só son 98 letras mais a cousa non é tan sinxela como parece. A dificultade é que só se repiten as mesmas letras da palabra en cuestión e, en principio, se está ben feito, a palabra CAN só debe aparecer unha vez. Se gostas deste tipo de afeccións, igual che interesa resolveres este reto. É cuestión de paciencia e de perseveranza.

O cadrado de SATOR

A expresión cadrado de Sator designa unha estrutura en forma de cadrado máxico composta por cinco palabras latinas: SATOR, AREPO, TENET, OPERA, ROTAS, que, en conxunto (de esquerda a dereita ou de arriba abaixo), dan lugar a un palíndromo. Por extensión, un palíndromo é calquera serie de elementos con simetría lineal, é dicir, que presenta a mesma secuencia de unidades en ambas direccións.

O cadrado de sator é visible nun gran número de achados arqueolóxicos en diferentes partes de Europa.

A seguir tes un cadrado de Sator para resolveres. Este encrucillado ten como característica que unha mesma palabra ocupa a mesma fila e a mesma columna. Quer dicer: 1 horizontal = 1 vertical. Mais a estrutura pode non ser sempre palindrómica. A modo de pista indicamos as letras que corresponden a cada palabra. Atopa a palabra e colócaa no cadro: OZRAR, IARDO, ÑIRRI, RADIO. Non abuses do botón “mostrar”

Nota: algunha palabra é dialectal

Unha de cinco

Neste Día das Letras ofrézovos un novo tipo de pasatempo. É unha variante de autodefinido que en vez de dar unha definición da palabra permite elexer unha palabra de entre as cinco que figuran na casa para completar o cadro. Na primeira casa da esquerda dáse a primeira palabra. Hai quen lle chama pentadefinido e non tardará moito en se incorporar ás páxinas de Nós Diario.

O valo de Manselle

Anxo Angueira tardou tempo en construír o poemario; os viciños tardaron máis en construír o valo. Agora, desde a cuarta feira día 6 de xullo, cada semana, xa podes axudar a xente de Manselle a (re)construír o valo coas pedras arrancadas dos penedos. As pedras, delimitadas pola liña grosa, están numeradas. Colócaas tendo en conta que os números non se repiten nen na liña horizontal nen na columna vertical e que en cada pedra ten que haber un díxito par e outro impar.

E aí vai a resposta.

123654 / 236145 / 365412 / 614523 / 452361 / 541236

Libérate

Atribúese a Cicerón a frase “Non considero libre quen non teña algún momento para o ocio

Pois libérate con esta sinxela sopa de letras. Nela aparecen 17 adxectivos derivados de antropónimos, isto é, de nomes ou apelidos de persoas ou personaxes literarias, que por algo é 23 de abril. As palabras poden estar en calquera dirección. Comparte ocio

Fóra de si

A partir da próxima cuarta feira día 6 Nós Diario ofrece un novo pasatempo. O Fóra de Si, unha variante do Sudoku normal na que as cifras de 1 a 9 van fóra da grella. Para o resolver debemos ter en conta que as cifras que van fóra deben aparecer nas tres primeiras celas de cada rexión do xogo na dirección correspondente.

Aquí vos deixo un modelo:

E aquí a solución

Novo destino

Nesta cruzada están agochados DEZ destinos para unha posíbel viaxe. Están lonxe e comparten todos unha parte do nome. Todos comezan por NOVA …