Skip to content

Visita médica

É a hora en que o médico pasa por cada cuarto a consulta diaria.

Os doentes, expectantes por sabermos, adoptamos un silencio sospeitoso, como se o oráculo for falar.

– Ola, como está? Son o Doutor ……

E mentres pensas se dicir ben ou mal, dóeme aquí ou acolá, xa a enfermeira está a informar da temperatura e dos mililitros de líquidos que o corpo durante a noite expulsou e a auxiliar debidamente mediu.

Todo dentro da normalidade.

Pediremos unha nova analítica para comprobar como vai a función renal. Unha ecografía, ou tal vez un TAC …

Unha derradeira ollada, un apuntamento e

– Bos días, até mañá . E o proceso, con outro médico e o mesmo protocolo, recomezará.

(De Cuarto 1130)

Published inHospitalaria

Be First to Comment

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.