En Aristófanes, ave de comedia;
a Salomón todo lle contache sobre a raíña de Saba.
Rebule a bubela no valo de pedra;
baixa ao chan e peteira.
Bico longo e andar fino,
a bubela solitaria.
U pu, pu, pu vai repetindo
a intervalos
a bubela o seu cantar
mentres apaña algo que levar
ao niño cuxo cheiro xa delata,
que por iso, e outras cousas,
o libro quinto da biblia
de ave non limpa a alcumou.
Os días pasan por nós os uns após os outros, e en nós fican prendidos tal se formos unha baloira, a baloira dos días.